დარგობრივი ლექსიკონი

ბიოლოგია > ზოოლოგია > იქთიოლოგია

cycloid scale - ციკლოიდური ქერცლი, მომრგვალებული ქერცლი

არსებითი სახელი

ტერმინის წყარო:

დაეფუძნა: 'cycloid' (26.11.2025), ინგლისურ-ქართული ბიოლოგიური ლექსიკონი. თბილისი: ლექსიკოგრაფიული ცენტრი, თსუ, 2014

განმარტება

ქერცლის ტიპი, რომელსაც დაკბილული გამონაზარდები არ აქვს და გარშემო მთლიანად გლუვია.

განმარტების წყარო:

დაეფუძნა: 'cycloid scale', A Dictionary of Zoology. Oxford: Oxford University Press, 2020

დაკავშირებული სიტყვები

cosmoid scale, ctenoid scale, placoid scale, ganoid scale

ბიოლოგია > ზოოლოგია > იქთიოლოგია

Cyclopteridae - მრგვალფარფლიანები, პინაგორისებრნი

არსებითი სახელი, მრავლობითი რიცხვი

ტერმინის წყარო:

'Cyclopteridae' (26.11.2025), ინგლისურ-ქართული ბიოლოგიური ლექსიკონი. თბილისი: ლექსიკოგრაფიული ცენტრი, თსუ, 2014
'მრგვალფარფლიანები', მ. დემეტრაშვილი, ქართული საბჭოთა ენციკლოპედია. თბილისი: მეცნიერებათა აკადემიის გამომცემლობა, ტ. 7, 1984, გვ. 167

განმარტება

ქორჭილასნაირთა რიგის (Perciformes ord.) თევზების ოჯახი Cyclopteridae fam. მსხვილი, თითქმის მომრგვალო და მოკლე სხეულის მქონე თევზებია, აქვთ უქერცლო კანი, რომელზეც ძვლოვანი ეკლების მრავალი რიგია. ზურგის მეორე და ანალური ფარფლები მოკლეა. მუცლის ფარფლები გარდაქმნილია მისაწოვრებად, რაც დამახასიათებელი ნიშანია ოჯახისათვის. გავრცელებული არიან ჩრდილოეთ ატლანტის ოკეანისა და ანტარქტიკის ცივ წყლებში.

განმარტების წყარო:

დაეფუძნა: 'Cyclopteridae', A Dictionary of Zoology. Oxford: Oxford University Press, 2020

ბიოლოგია > ზოოლოგია > იქთიოლოგია

Cyprinidae - კობრისებრნი

არსებითი სახელი, მრავლობითი რიცხვი

ტერმინის წყარო:

'Cyprinidae' (26.11.2025), ინგლისურ-ქართული ბიოლოგიური ლექსიკონი. თბილისი: ლექსიკოგრაფიული ცენტრი, თსუ, 2014
'კობრისებრნი', ქართული საბჭოთა ენციკლოპედია. თბილისი: მეცნიერებათა აკადემიის გამომცემლობა, ტ. 5, 1980, გვ. 567

განმარტება

კობრისნაირთა რიგის (Cypriniformes ord.) თევზების ოჯახი Cyprinidae fam. სახეობების რაოდენობის მიხედვით, თევზების ყველაზე დიდი ოჯახია. მოიცავს მტკნარი წყლისა და ზღვის თევზებს, რომლებსაც ტიპურად აქვთ საკმაოდ წაგრძელებული სხეული, ზურგის ერთი ფარფლი ნამდვილი სხივების გარეშე, ორად გაყოფილი კუდის ფარფლი, უკბილო ყბები (თუმცა ხახის კბილები შეიძლება ჰქონდეთ). მათი სიგრძე მერყეობს 3 სმ-დან (Rasbora maculata) 1,6 მ-მდე (Barbus tor). ბევრი სახეობა სარეწაო მნიშვნელობისაა, პოპულარულებია მეთევზეებშიც. არის მრავალი აკვარიუმის სახეობაც. გავრცელებულებულები არიან თითქმის მთელ მსოფლიოში, მაგრამ არ გვხვდებიან სამხრეთ და ცენტრალურ ამერიკაში, მადაგასკარზე, ავსტრალიაში, ახალ გვინეასა და ახალ ზელანდიაში.

განმარტების წყარო:

დაეფუძნა: 'Cyprinidae', A Dictionary of Zoology. Oxford: Oxford University Press, 2020

ბიოლოგია > ზოოლოგია > იქთიოლოგია

Cypriniformes - კობრისნაირნი

არსებითი სახელი, მრავლობითი რიცხვი

ტერმინის წყარო:

'Cypriniformes' (26.11.2025), ინგლისურ-ქართული ბიოლოგიური ლექსიკონი. თბილისი: ლექსიკოგრაფიული ცენტრი, თსუ, 2014

განმარტება

სხივფარფლიანთა კლასის (Actinopterygii cls.) თევზების რიგი Cypriniformes ord. ტიპური მტკნარი წყლის მაცხოვრებლები არიან, მათ ფარფლებს არ აქვთ ნამდვილი სხივები, ზურგის ერთი ფარფლი ჩვეულებრივ მდებარეობს შუა ნაწილში, მუცლის ფარფლების საპირისპიროდ. ზოგიერთ ოჯახში წარმოდგენილია ცხიმის ფარფლიც.

განმარტების წყარო:

დაეფუძნა: 'Cypriniformes', A Dictionary of Zoology. Oxford: Oxford University Press, 2020

ბიოლოგია > ზოოლოგია > იქთიოლოგია

Cyprinodontidae - კობრისკბილასებრნი

არსებითი სახელი, მრავლობითი რიცხვი

ტერმინის წყარო:

'Cyprinodontidae' (26.11.2025), ინგლისურ-ქართული ბიოლოგიური ლექსიკონი. თბილისი: ლექსიკოგრაფიული ცენტრი, თსუ, 2014
'კობრისკბილასებრნი', ქართული საბჭოთა ენციკლოპედია. თბილისი: მეცნიერებათა აკადემიის გამომცემლობა, ტ. 5, 1980, გვ. 567

განმარტება

კობრისკბილასნაირთა რიგის (Cyprinodontiformes ord.) თევზების ოჯახი Cyprinodontidae fam. მცირე ზომის, მტკნარი წყლის, ნახევრად მლაშე და ზღვის თევზებია. აქვთ ზურგის ერთი ფარფლი, სხეული ბოლოვდება ამოკვეთილი ან მომრგვალებული კუდის ფარფლით. გვერდითი ხაზი არ აქვთ. ყბები კბილიანია. ცნობილია, რომ რამდენიმე სახეობა შედის ნახევრად მლაშე წყალში ან ზღვაშიც კი (მ. შ. Fundulus heteroclitus). გავრცელებული არიან მსოფლიოს უმეტეს ტროპიკულ მტკნარ წყალსატევებში.

განმარტების წყარო:

დაეფუძნა: 'Cyprinodontidae', A Dictionary of Zoology. Oxford: Oxford University Press, 2020