კამბალასებრთა ოჯახის (Pleuronectidae fam.) თევზი Limanda limanda.
კობრისებრთა ოჯახის (Cyprinidae fam.) თევზების გვარი Danio gen.
ზღვის არწივისნაირთა რიგის (Myliobatiformes ord.) თევზების ოჯახი Dasyatidae fam. ზომიერი და თბილი წყლების თევზებია, სახეობების უმეტესობა ზღვის ბინადარია, მაგრამ რამდენიმე გვხვდება მტკნარ წყლებშიც. კუდზე ერთი ან ორი ეკალი აქვთ. ამ ეკლებით მიყენებული ჭრილობა შეიძლება ძალიან მტკივნეული იყოს. ზურგის ფარფლები, ჩვეულებრივ, არ აქვთ. თავი მკერდის ფარფლებისგან გამოყოფილი არ არის. გავრცელებული არიან მთელ მსოფლიოში.
მრავალ თევზში, დენტინისგან წარმოქმნილი ქერცლი, რომელსაც აქვს პულპური ღრუ და წააგავს კბილს. ფირფიტლაყუჩიანებში (Elasmobranchii) ისინი ფარავენ მთელ სხეულს.
ქერცლის ტიპი, რომელიც წარმოადგენს ზვიგენების მკვრივი კანის საფრის ძირითად ნაწილს. შედგება მყარი ფუძისგან, რომელიც კანშია ჩაზრდილი, და ეკლოვანი გამონაზარდისგან (წვეტი); ისინი დაფარულია ვიტროდენტინით. ქერცლი გარეთ და უკან არის გამოშვერილი და სწორედ ნაშვერები განაპირობებენ ზვიგენის კანის სიუხეშეს. ქერცლის ძირითადი ნაწილი შედგება დენტინისგან, რომელიც გარს აკრავს ცენტრალურ პულპურ ღრუს. ძვლიანი თევზების ქერცლისგან განსხვავებით, პლაკოიდური ქერცლი გარკვეული ზომის მიღწევის შემდეგ ზრდას წყვეტს და ახალი ქერცლები წარმოიქმნება ცხოველი ზომაში ზრდის შემდეგ.
