დარგობრივი ლექსიკონი

Centrarchidae - მზის ქორჭილასებრნი

არსებითი სახელი, მრავლობითი რიცხვი

ტერმინის წყარო:

'Centrarchidae' (26.11.2025), ინგლისურ-ქართული ბიოლოგიური ლექსიკონი. თბილისი: ლექსიკოგრაფიული ცენტრი, თსუ, 2014

განმარტება

მზის ქორჭილასნაირთა რიგის (Centrarchiformes ord.) მტკნარი წყლის თევზების ოჯახი Centrarchidae fam. საკმაოდ დიდი ოჯახია. ორი შეერთებული ზურგის ფარფლიდან პირველი ძლიერ ეკლიანია, კუდის ფარფლი მცირედაა ამოკვეთილი. დიდი სახეობები 8 კგ მასას აღწევენ. გავრცელებული არიან ჩრდილოეთ ამერიკის აღმოსავლეთ ნახევარში. ზოგიერთი ინტროდუცირებულია ევროპის მდინარეებში.

განმარტების წყარო:

დაეფუძნა: 'Centrarchidae', A Dictionary of Zoology. Oxford: Oxford University Press, 2020

ინგლისური სინონიმები

sunfish

= Centrarchidae

ბიოლოგია > ზოოლოგია > იქთიოლოგია

Chaetodontidae - ანგელოზთევზასებრნი

არსებითი სახელი, მრავლობითი რიცხვი

ტერმინის წყარო:

'Chaetodontidae' (26.11.2025), ინგლისურ-ქართული ბიოლოგიური ლექსიკონი. თბილისი: ლექსიკოგრაფიული ცენტრი, თსუ, 2014

განმარტება

ქირურგისნაირთა რიგის (Acanthuriformes ord.) ზღვის თევზების ოჯახი Chaetodontidae fam. აქვთ მაღალი, თითქმის დისკოს ფორმის სხეული, პატარა, გამოსაწევი პირი, წვრილი კბილები ყბებზე, ერთი უწყვეტი ზურგის ფარფლი და მომრგვალებული ან ამოკვეთილი კუდის ფარფლი. ოჯახი მოიცავს მრავალ ლამაზ, კაშკაშა ფერის სახეობას, რომლებიც ძალიან პოპულარულია ზღვის აკვარიუმების მოყვარულებში.

განმარტების წყარო:

დაეფუძნა: 'Chaetodontidae', A Dictionary of Zoology. Oxford: Oxford University Press, 2020

ბიოლოგია > ზოოლოგია > იქთიოლოგია

Channa - გველთავა

არსებითი სახელი

ტერმინის წყარო:

'Channa' (26.11.2025), ინგლისურ-ქართული ბიოლოგიური ლექსიკონი. თბილისი: ლექსიკოგრაფიული ცენტრი, თსუ, 2014

განმარტება

გველთავასებრთა ოჯახის (Channidae fam.) თევზების გვარი Channa gen.

განმარტების წყარო:

დაეფუძნა: 'Channa' (26.11.2025), ScienceDirect.com

ბიოლოგია > ზოოლოგია > იქთიოლოგია

Channidae - გველთავასებრნი

არსებითი სახელი, მრავლობითი რიცხვი

ტერმინის წყარო:

'Channidae' (26.11.2025), ინგლისურ-ქართული ბიოლოგიური ლექსიკონი. თბილისი: ლექსიკოგრაფიული ცენტრი, თსუ, 2014

განმარტება

ანაბასისნაირთა რიგის (Anabantiformes ord.) თევზების ოჯახი Channidae fam. ტროპიკული, მტკნარი წყლის თევზებია, აქვთ წაგრძელებული სხეული, გველის მსგავსი თავი, ძალიან გრძელი ზურგისა და ანალური ფარფლები, მომრგვალებული კუდისა და მკერდის ფარფლები, ქვედა ყბა ზედაზე წინ არის გამოწეული. დამხმარე სასუნთქი ორგანოები საშუალებას აძლევთ, გარკვეული ხნით წყლის გარეშე გაძლონ. გავრცელებული არიან ტროპიკულ აფრიკასა და სამხრეთ აზიაში.

განმარტების წყარო:

დაეფუძნა: 'Channidae', A Dictionary of Zoology. Oxford: Oxford University Press, 2020

ბიოლოგია > ზოოლოგია > იქთიოლოგია

Characidae - ქარაცინისებრნი

არსებითი სახელი, მრავლობითი რიცხვი

ტერმინის წყარო:

'Characidae' (26.11.2025), ინგლისურ-ქართული ბიოლოგიური ლექსიკონი. თბილისი: ლექსიკოგრაფიული ცენტრი, თსუ, 2014

განმარტება

ქარაცინისნაირთა რიგის (Characiformes ord.) მტკნარი წყლის თევზების ოჯახი Characidae fam. დიდი ოჯახია. უმეტესობა პატარა ზომისაა, ზოგი ძალიან ფერადოვანი. აქვთ ერთი ზურგის ფარფლი, ხშირად პატარა ცხიმის ფარფლიც, ორად გაყოფილი კუდის ფარფლი და ზოგჯერ ზურგის ფარფლზე დიდი ანალური ფარფლი. ბევრი სახეობა ძალიან პოპულარული აკვარიუმის თევზია. გავრცელებული არიან ცენტრალურ და სამხრეთ ამერიკაში, აფრიკაში.

განმარტების წყარო:

დაეფუძნა: 'Characidae', A Dictionary of Zoology. Oxford: Oxford University Press, 2020