გველთავასებრთა ოჯახის (Channidae fam.) თევზების გვარი Channa gen.
ანაბასისნაირთა რიგის (Anabantiformes ord.) თევზების ოჯახი Channidae fam. ტროპიკული, მტკნარი წყლის თევზებია, აქვთ წაგრძელებული სხეული, გველის მსგავსი თავი, ძალიან გრძელი ზურგისა და ანალური ფარფლები, მომრგვალებული კუდისა და მკერდის ფარფლები, ქვედა ყბა ზედაზე წინ არის გამოწეული. დამხმარე სასუნთქი ორგანოები საშუალებას აძლევთ, გარკვეული ხნით წყლის გარეშე გაძლონ. გავრცელებული არიან ტროპიკულ აფრიკასა და სამხრეთ აზიაში.
ქარაცინისნაირთა რიგის (Characiformes ord.) მტკნარი წყლის თევზების ოჯახი Characidae fam. დიდი ოჯახია. უმეტესობა პატარა ზომისაა, ზოგი ძალიან ფერადოვანი. აქვთ ერთი ზურგის ფარფლი, ხშირად პატარა ცხიმის ფარფლიც, ორად გაყოფილი კუდის ფარფლი და ზოგჯერ ზურგის ფარფლზე დიდი ანალური ფარფლი. ბევრი სახეობა ძალიან პოპულარული აკვარიუმის თევზია. გავრცელებული არიან ცენტრალურ და სამხრეთ ამერიკაში, აფრიკაში.
ქიაზმოდონისებრთა ოჯახის (Chiasmodontidae fam.) თევზების გვარი Chiasmodon gen.
ქიმერისებრთა ოჯახის (Chimaeridae fam.) თევზების საერთო სახელწოდება.
