დარგობრივი ლექსიკონი

Troglodytidae - ჭინჭრაქასებრნი

არსებითი სახელი, მრავლობითი რიცხვი

ტერმინის წყარო:

'Troglodytidae' (18.11.2025), ინგლისურ-ქართული ბიოლოგიური ლექსიკონი. თბილისი: ლექსიკოგრაფიული ცენტრი, თსუ, 2014

განმარტება

ბეღურისნაირთა რიგის (Passeriformes ord.) ფრინველთა ოჯახი Troglodytidae fam. პატარა და საშუალო ზომის ფრინველებია. აქვთ ყავისფერი ბუმბული, ზოგს თეთრი და წაბლისფერი უბნებით. ფრთები, კუდი და გვერდები ხშირად ზოლიანი ან ლაქიანია. ნისკარტი წვრილი, საშუალო ან გრძელი, მცირედ მოხრილი. ფრთები მოკლე და მომრგვალებული, კუდი მოკლე ან გრძელი, ხშირად აწეული. ბინადრობენ ტყეებში, ბუჩქნარებში, ლელიანებში, კლდოვან ადგილებსა და უდაბნოებში. იკვებებიან მწერებით და ობობებით. გავრცელებული არიან ევროპაში, აზიაში, ამერიკაში.

განმარტების წყარო:

დაეფუძნა: 'Troglodytidae', A Dictionary of Zoology. Oxford: Oxford University Press, 2020

ბიოლოგია > ზოოლოგია > ორნითოლოგია

Trogonidae - ტროგონისებრნი

არსებითი სახელი, მრავლობითი რიცხვი

ტერმინის წყარო:

'Trogonidae' (18.11.2025), ინგლისურ-ქართული ბიოლოგიური ლექსიკონი. თბილისი: ლექსიკოგრაფიული ცენტრი, თსუ, 2014

განმარტება

ტროგონოსნაირთა რიგის (Trogoniformes ord.) ფრინველთა ოჯახი Trogonidae fam. საშუალო და დიდი ზომის ფრინველებია. აქვთ კაშკაშა შეფერილობა, მომრგვალებული ფრთები, უმეტესობას – გრძელი, ოთხკუთხა ბოლო. ბინადრობენ ტყეებსა და ნაკაფ ადგილებში. იკვებებიან მწერებით და ხილით. გავრცელებული არიან აფრიკაში, აზიაში, ცენტრალურ და სამხრეთ ამერიკაში.

განმარტების წყარო:

დაეფუძნა: 'Trogonidae', A Dictionary of Zoology. Oxford: Oxford University Press, 2020

ბიოლოგია > ზოოლოგია > ორნითოლოგია

Tyrannidae - ტირანისებრნი

არსებითი სახელი, მრავლობითი რიცხვი

ტერმინის წყარო:

'Tyrannidae' (18.11.2025), ინგლისურ-ქართული ბიოლოგიური ლექსიკონი. თბილისი: ლექსიკოგრაფიული ცენტრი, თსუ, 2014
'ტირანისებრნი', მირ. კუტუბიძე, ფრინველების ნომენკლატურული ტერმინოლოგია. თბილისი: მეცნიერება, 1973, გვ. 151

განმარტება

ბეღურისნაირთა რიგის (Passeriformes ord.) ფრინველთა ოჯახი Tyrannidae fam. პატარა და საშუალო ზომის ფრინველების მრავალფეროვანი ოჯახია. გავრცელებულნი არიან ჩრდილოეთ, ცენტრალურ და სამხრეთ ამერიკაში.

განმარტების წყარო:

დაეფუძნა: 'Tyrannidae', A Dictionary of Zoology. Oxford: Oxford University Press, 2020

ბიოლოგია > ზოოლოგია > ორნითოლოგია

Tytonidae - ბუხრინწასებრნი

არსებითი სახელი, მრავლობითი რიცხვი

ტერმინის წყარო:

'Tytonidae' (18.11.2025), ინგლისურ-ქართული ბიოლოგიური ლექსიკონი. თბილისი: ლექსიკოგრაფიული ცენტრი, თსუ, 2014
'ტირანისებრნი', მირ. კუტუბიძე, ფრინველების ნომენკლატურული ტერმინოლოგია. თბილისი: მეცნიერება, 1973, გვ. 108

განმარტება

ბუსნაირთა რიგის (Strigiformes ord.) ფრინველთა ოჯახი Tytonidae fam. მათი დამახასიათებელი ნიშანია გულის ფორმის სახის დისკო. აქვთ შებუმბვლილი ფეხები. ბინადრობენ ტყეებსა და მდელოებში. იკვებებიან (ძირითადად ღამით) ძუძუმწოვრებით, ფრინველებით, ხვლიკებით, ბაყაყებითა და მწერებით. გავრცელებული არიან ევროპაში, აფრიკაში, სამხრეთ აზიაში, ინდონეზიაში, ახალ გვინეაში, ავსტრალიაში, ამერიკაში.

განმარტების წყარო:

დაეფუძნა: 'Tytonidae', A Dictionary of Zoology. Oxford: Oxford University Press, 2020

ბიოლოგია > ზოოლოგია > ორნითოლოგია

Upupidae - ოფოფისებრნი

არსებითი სახელი, მრავლობითი რიცხვი

ტერმინის წყარო:

'Upupidae' (18.11.2025), ინგლისურ-ქართული ბიოლოგიური ლექსიკონი. თბილისი: ლექსიკოგრაფიული ცენტრი, თსუ, 2014
'ოფოფისებრნი', მირ. კუტუბიძე, ფრინველების ნომენკლატურული ტერმინოლოგია. თბილისი: მეცნიერება, 1973, გვ. 145

განმარტება

რქაცხვირასნაირთა რიგის (Bucerotiformes ord.) ფრინველთა ოჯახი Upupidae fam. მასში მხოლოდ ერთი სახეობაა – ოფოფი (Upupa epops).

განმარტების წყარო:

დაეფუძნა: 'Upupidae', A Dictionary of Zoology. Oxford: Oxford University Press, 2020