დარგობრივი ლექსიკონი

Struthionidae - სირაქლემასებრნი

არსებითი სახელი, მრავლობითი რიცხვი

ტერმინის წყარო:

'Struthionidae' (12.11.2025), ინგლისურ-ქართული ბიოლოგიური ლექსიკონი. თბილისი: ლექსიკოგრაფიული ცენტრი, თსუ, 2014

განმარტება

სირაქლემასნაირთა რიგის (Struthioniformes ord.) ფრინველთა ოჯახი Struthionidae fam. მასში შედის ერთი გვარი (Struthio), რომელიც დღეისათვის მსოფლიოში ყველაზე დიდ ფრინველებს. მამლები შავები არიან, თეთრი ფრთისა და კუდის ბუმბულებით, დედლები – ყავისფერ-ნაცრისფრები. აქვთ გრძელი კისერი, პატარა თავი, მოკლე და ბრტყელი ნისკარტი. ფეხები გრძელია, შეუბუმბლავი ბარძაყებით. თითო ფეხზე ორი თითია. ვერ ფრენენ, ძალიან სწრაფად დარბიან. იკვებებიან მცენარეებით, კენკრითა და თესლით. ფერმებში ზრდიან ხორცისა და დეკორატიული ბუმბულის მისაღებად. 2 სახეობაა. ბუნებრივად გავრცელებული არიან აფრიკაში.

განმარტების წყარო:

დაეფუძნა: 'Struthionidae', A Dictionary of Zoology. Oxford: Oxford University Press, 2020

ბიოლოგია > ზოოლოგია > ორნითოლოგია

Struthioniformes - სირაქლემასნაირნი

არსებითი სახელი, მრავლობითი რიცხვი

ტერმინის წყარო:

'Struthioniformes' (12.11.2025), ინგლისურ-ქართული ბიოლოგიური ლექსიკონი. თბილისი: ლექსიკოგრაფიული ცენტრი, თსუ, 2014

განმარტება

ფრინველთა რიგი Struthioniformes ord. მასში შედის ერთადერთი ოჯახი – სირაქლემასებრნი (Struthionidae).

განმარტების წყარო:

დაეფუძნა: 'Struthioniformes', A Dictionary of Zoology. Oxford: Oxford University Press, 2020

ბიოლოგია > ზოოლოგია > ორნითოლოგია

Sturnidae - შოშიასებრნი

არსებითი სახელი, მრავლობითი რიცხვი

ტერმინის წყარო:

'Sturnidae' (12.11.2025), ინგლისურ-ქართული ბიოლოგიური ლექსიკონი. თბილისი: ლექსიკოგრაფიული ცენტრი, თსუ, 2014
'Sturnidae', მირ. კუტუბიძე, ფრინველების ნომენკლატურული ტერმინოლოგია. თბილისი: მეცნიერება, 1973, გვ. 229

განმარტება

ბეღურისნაირთა რიგის (Passeriformes ord.) ფრინველთა ოჯახი Sturnidae fam. საშუალო ზომის ფრინველებია. უმეტესობა შავი ან მუქი ფერისაა, ბევრს დაჰკრავს ნაირფერი ბზინვარება. აქვთ სწორი, საკმაოდ წვრილი ნისკარტი, მოკლე და მომრგვალებული ან გრძელი და წამახვილებული ფრთები. ბინადრობენ ტყეებში, ღია ადგილებსა და ურბანულ რაიონებში. ყოვლისმჭამელები არიან. გავრცელებული არიან ევროპაში, აფრიკაში, აზიაში, ავსტრალაზიასა და წყნარი ოკეანის კუნძულებზე.

განმარტების წყარო:

დაეფუძნა: 'Sturnidae', A Dictionary of Zoology. Oxford: Oxford University Press, 2020

ბიოლოგია > ზოოლოგია > ორნითოლოგია

Sulidae - რეგვენასებრნი

არსებითი სახელი, მრავლობითი რიცხვი

ტერმინის წყარო:

'Sulidae' (12.11.2025), ინგლისურ-ქართული ბიოლოგიური ლექსიკონი. თბილისი: ლექსიკოგრაფიული ცენტრი, თსუ, 2014
'რეგვენასებრნი', მირ. კუტუბიძე, ფრინველების ნომენკლატურული ტერმინოლოგია. თბილისი: მეცნიერება, 1973, გვ. 147

განმარტება

რეგვენასნაირთა რიგის (Suliformes ord.) ფრინველთა ოჯახი Sulidae fam. დიდი ზომის ზღვის ფრინველებია. აქვთ გრძელი, სქელი ნისკარტი, საკმაოდ გრძელი კისერი, გრძელი, წამახვილებული ფრთები და გრძელი, სოლისებრი კუდი. ფეხები მოკლე და აპკიანია. ბინადრობენ კუნძულებსა და კლდეებზე; იკვებებიან თევზით, რომელსაც იჭერენ ჰაერიდან ჩაყვინთვით. გავრცელებული არიან მსოფლიოს მასშტაბით.

განმარტების წყარო:

დაეფუძნა: 'Sulidae', A Dictionary of Zoology. Oxford: Oxford University Press, 2020

ბიოლოგია > ზოოლოგია > ორნითოლოგია